Filialda ta’lim sifatini yanada oshirish, nazariy bilimlarni amaliyot bilan uyg‘unlashtirish maqsadida muhim tashabbuslar amalga oshirilmoqda.

Jumladan, respublikamizda 18-apreldan 18-mayga qadar o‘tkazilayotgan “Chorvachilikda sanitariya-epidemiya-gigiyena” oyligi doirasida talabalarning bilim va ko‘nikmalarini mustahkamlashga alohida e’tibor qaratilmoqda.
Mazkur jarayon doirasida dual ta’lim tizimi yo‘lga qo‘yilib, unda talabalar nazariy bilimlarini bevosita amaliy faoliyat bilan bog‘lash imkoniyatiga ega bo‘lmoqda. Bu esa ularning kasbiy tayyorgarligini yanada mustahkamlash, soha bo‘yicha chuqur bilim va tajriba orttirishiga xizmat qilmoqda.

Ushbu tashabbusga Veterinariya meditsinasi fakulteti hamda zooinjeneriya ta’lim yo‘nalishi talabalari faol jalb etilmoqda. Talabalar oylik davomida chorvachilikda sanitariya, epidemiologiya va gigiyena talablarini amaliy jihatdan o‘rganib, kelgusidagi kasbiy faoliyatlari uchun muhim tajriba to‘plamoqdalar.