Salomatlik yo‘lida: Filialda har juma “Sport kuni” deb e’lon qilindi

Samarqand davlat veterinariya meditsinasi, chorvachilik va biotexnologiyalar universitetining Toshkent filialida xodimlarning salomatligini mustahkamlash, jismoniy faolligini oshirish hamda jamoada sog‘lom muhitni shakllantirish maqsadida haftaning har juma kuni “Sport kuni” deb belgilandi.

Mazkur tashabbus doirasida joriy juma kuni filial rahbariyati, professor-o‘qituvchilari va xodimlari sport mashg‘ulotlarida faol ishtirok etishdi. Xodimlar voleybol, stol tennisi, shaxmat-shashka hamda voleybol kabi sport turlari bo‘yicha o‘zaro kuch sinashdilar. 

Ushbu tadbirdan ko‘zlangan asosiy maqsad — ish samaradorligini oshirish, xodimlar o‘rtasida jamoaviy birdamlikni kuchaytirish va sog‘lom turmush tarzini kundalik odatga aylantirishdir. Sport mashg‘ulotlari ko‘tarinki ruhda o‘tdi.