Talaba-yoshlarning moliyaviy savodxonligini oshirish: Bank mutaxassislari bilan ochiq muloqot

Samarqand davlat veterinariya meditsinasi, chorvachilik va biotexnologiyalar universiteti Toshkent filialida talabalarning moliyaviy bilimlarini oshirish hamda bank xizmatlaridan foydalanish ko‘nikmalarini shakllantirish maqsadida Aloqabank hamda Milliy bank xodimlari ishtirokida ochiq muloqot tashkil etildi.

Uchrashuvda mutaxassislar so‘zga chiqib, talabalarga bugungi kunda bank tizimida joriy etilayotgan yangiliklar, startaplarni amalga oshirish hamda tadbirkorlik faoliyatini yo'lga qo'yishda, banklardan ajratiladigan kredit rasmiylashtirish jarayonlari haqida batafsil ma’lumot berdilar. Shuningdek, talabalar uchun eng dolzarb mavzulardan biri bo‘lgan — imtiyozli ta’lim kreditlarini olish tartibi, kerakli hujjatlar va kreditni qaytarish muddatlari yuzasidan tushuntirishlar berildi.