“Jaholatga qarshi ma’rifat bilan kurashamiz” mavzusida ma’rifiy tadbir tashkil etildi.

Samarqand davlat veterinariya meditsinasi, chorvachilik va biotexnologiyalar universitetining Toshkent filialida Yoshlar o‘rtasida diniy ekstremizm, terrorizm va turli yot g‘oyalarning oldini olish, ularning huquqiy va ma’naviy bilimlarini yuksaltirish maqsadida “Jaholatga qarshi ma’rifat bilan kurashamiz” mavzusida ma’rifiy tadbir tashkil etildi.

Tadbirda ma’ruzachi sifatida O‘zbekiston Respublikasi Din ishlari qo'mitasi mas’ul xodimi Jumayev Shoxrux ishtirok etdi.

Ma’ruzachi o‘z nutqida bugungi globallashuv davrida yoshlar ongi va qalbi uchun kurash ketayotganini, ayniqsa, ijtimoiy tarmoqlar orqali tarqalayotgan turli buzg‘unchi g‘oyalardan himoyalanishda ma’rifat va bilim eng asosiy qurol ekanligini alohida ta’kidladi.