Ijara xonadonlarida talabalar bilan uchrashuvlar o‘tkazilmoqda

Samarqand davlat veterinariya meditsinasi, chorvachilik va biotexnologiyalar universitetining Toshkent filiali Veterinariya meditsinasi fakulteti ma'sullari tomonidan talabalar holidan muntazam xabardor bo‘lish, ularning yashash sharoitlari va muammolarini o‘rganish maqsadida navbatdagi monitoring tadbiri o‘tkazildi.

Uchrashuvlar davomida talabalarning yashash sharoitlari, xavfsizlik masalalari, ijtimoiy muammolari va o‘quv jarayonidagi ishtiroki o‘rganildi. Talabalar bilan samimiy suhbatlar tashkil etilib, ularni qiynayotgan ayrim muammolar joyida hal etildi. Jumladan, ijara shartnomalarining rasmiylashtirilishi, mahalla bilan hamkorlik, sanitariya-gigiyena talablariga rioya qilish masalalari bo‘yicha tegishli tushuntirish va tavsiyalar berildi.