Qo‘riqxonalar va milliy bog‘lar kuni munosabati bilan davra suhbati o‘tkazildi

    Samarqand davlat veterinariya meditsinasi, chorvachilik va biotexnologiyalar universiteti Toshkent filialida 11-yanvar - “Qo‘riqxonalar va milliy bog‘lar kuni”ga bag‘ishlangan davra suhbati tashkil etildi.
   Davra suhbati Oʻzbekiston Respublikasi Prezidentining “Ekologiya, atrof-muhitni muhofaza qilish va iqlim oʻzgarishi vazirligi faoliyatini samarali tashkil etish chora tadbirlar toʻgʻrisida” 2023-yil 31-maydagi PQ-171-son qarorining ijrosini ta'minlash maqsadida o‘tkazildi.
   Ushbu tadbirda Ekologiya, atrof-muhitni muhofaza qilish va iqlim o‘zgarishi vazirligi huzuridagi Muhofaza etiladigan tabiiy hududlar departamentidan vakil - S.A.Berdiyev mehmon sifatida ishtirok etdi. Davra suhbati davomida ekologiya va atrof-muhitni muhofaza qilishning ahamiyati, milliy bog‘lar va qo‘riqxonalarimizning tabiiy boyliklari, shuningdek, iqlim o‘zgarishlariga qarshi kurash choralari muhokama qilindi. 
   Suhbat davomida talabalarga mamlakatimiz tabiiy boyliklarini asrab-avaylash bo‘yicha zarur tavsiyalar berildi.

Matbuot xizmati